რძის (კეფირის) განმტვირთავი დიეტა

ჩვენებები: სიმსუქნე, ათეროსკლეროზი, არტერიული ჰიპერტენზია, მეტაბოლური სინდრომი, სისხლის მიმოქცევის უკმარისობა, ნეფრიტი, ღვიძლისა და სანაღვლე გზების საავადებები, პოდაგრა, თირკმელკენჭოვანი დაავადება, ფოსფატურიის გარეშე. რაციონი: 200 – 250 გრამი რძე, კეფირი, მაწონი დღეში 6-ჯერ, სულ 1,2 – 1,5 .

ხაჭოს განმტვირთავი დიეტა

ჩვენებები: სიმსუქნე, შაქრიანი დიაბეტი (II ტიპი), ათეროსკლეროზი და არტერიული ჰიპერტენზია სიმსუქნით, სისხლის მიმოქცევის უკმარისობა, ღვიძლისა და სანაღვლე გზების დაავადებები.

რაციონი: 70 გრამი ხაჭო (9%-იანი ცხიმიანობის ან უცხიმო) – დღეში 5-ჯერ. 2 ჭიქა ჩაი, 1 ჭიქა ასკილის ნახარში, 2 ჭიქა ნაკლებცხიმიანი კეფირი, სულ 1 ლიტრი.

ერთ-ერთ ვარიანტად ითვლება ხაჭოკეფირის დიეტა (რძის) (იაროცკის დიეტა): 250 – 400 გრამი ხაჭო და 1 ლიტრი კეფირი (რძე) დღის განმავლობაში.

ხორცის (თევზის) განმტვირთავი დიეტა

ჩვენებები: სიმსუქნე, ათეროსკლეროზი, მეტაბოლური სინდრომი. რაციონი: 70 გრამი ნაკლებცხიმიანი მოხარშული ხორცი ან მოხარშული თევზი დღეში 5-ჯერ, სულ 350 გრამი; 100 – 150 გრამი ბოსტნეული (კომბოსტო, სტაფილო, კიტრი, პომიდორი) დღეში 5-ჯერ, სულ 0,6 – 0,9 კგ; 1 – 2 ჭიქა უშაქრო ჩაი.