გინზბურგი გახდომის საკუთარი მეთოდიკის განმარტებისას ასკვნის: ადამიანების დიდი უმრავლესობისთვის, რომლებიც გასუქებას უჩივიან, დისბალანსი იქმნება ცხიმების გადაჭარბებულ მიღებასა და ორგანიზმის მიერ მათი წვის სიჩქარეს შორის. შესაბამისად, გინზბურგის მეთოდიკის საფუძველთა საფუძველი არის ნაკლებცხიმიან დიეტაზე გადასვლა.

რა არის ნაკლებცხიმიანი კვება მიხეილ გინსბურგის მიხედვით? მისი მეთოდიკის თანახმად, მიღებული ცხიმების რაოდენობა დღეღამეში 40 გრამს არ უნდა აღემატებოდეს. ასეთი შეზღუდვა საშუალებას იძლევა მინიმუმ წონაში ზრდის პროცესი მაინც შევაჩეროთ; უმრავლეს შემთხვევებში კი ეს წონაში კლების წინაპირობაც ხდება (მართალია, ეს ნელნელა, მაგრამ სტაბილურად მიმდინარეობს).

ამავე დროს, ეს შეზღუდვა რომ შევინარჩუნოთ – 40 გრამი ცხიმი დღეღამეშისულაც არაა აუცილებელი, ყოველი ჭამისას ხელში კალკულატორი გვეკავოს და პროდუქტების შემადგენლობის სპეციალური ნუსხით ვიხელმძღვანელოთ. საჭიროა, თან ვიქონიოთ პატარა სია, სადაც მოცემულია, ყველაზე ხშირად მოხმარებადი პროდუქტები რა რაოდენობით ცხიმს შეიცავს.

(ერთი გრამი ცხიმი 100 გრამ პროდუქტზე)

ცხიმისშემცველი პროდუქტები:

გინზბურგი გვირჩევს, რომ სჯობს, აქ ჩამოთვლილი პროდუქტები რაციონიდან საერთოდ ამოვიღოთ (მჭლე ძროხის ხორცი გარდა). მაგრამ, მათ გარეშე თუ ვერ ძლებთ, მაშინ მიღებული ცხიმების კალკულაცია მაინც დაგჭირდებათ.

ცხიმის სადღეღამისო მოხმარების დაანგარიშებისთვის, შეიძლება ითქვას, რომ ნაკლებცხიმიანი პროდუქტების შეუზღუდავი მოხმარებისას (თუმცა, ბუნებრივია, შეუზღუდავს პირობითად ვხმარობთ, რადგან პროდუქტები გონივრულ ფარგლებში უნდა მოვიხმაროთ) დღეღამეში დაახლოებით 15–20 გრამ ცხიმს ვიღებთ. ასე რომ, საშუალება გვაქვს, საკუთარი თავი გავანებივროთ და ხსენებულ რაოდენობას 15–20 გრამი ცხიმი დავუმატოთ (მაგალითად, 50 გრამი ღორის ხორცი , ან 30 გრამი ყველი, ასევეერთი სუფრის კოვზი მცენარეული ზეთი).

გინზბურგის სისტემას ერთი შესანიშნავი თავისებურება გააჩნია: ეს დიეტა არ ზღუდავს საკვების რაოდენობასა და კალორიულობას. მეტიც, დიეტების უმრავლესობისგან განსხვავებით, არ ზღუდავს ნახშირწყლების მოხმარებას. ტკბილეული (მხოლოდ ნაკლებცხიმიანი) ამ დიეტით არ იკრძალება. მისი მიღების გაკონტროლება აუცილებელია მხოლოდ იმ შემთხვევაში, თუ ცხიმების მოხმარების შეზღუდვას სასურველი შედეგი არ მოაქვს.

ძირითადი პრობლემა, რომელსაც ვაწყდებით ნაკლებცხიმიანი დიეტის დაწყებისას, ეს არის შეუცვლელი პოლიმერული ცხიმოვანი მჟავების დეფიციტი. ეს პრობლემა რომ თავიდან ავიცილოთ, რეკომენდებულია ზღვის თევზის ყოველდღიური მოხმარება. იმ დღეებში კი, როდესაც თქვენს რაციონში თევზი არ შედის, გირჩევენ 1–3 გრამი (მეოთხედინახევარი ჩაის კოვზი) თევზის ქონის მიღება.